درابن چوکی پردہشت گردوں کے حملے سے ہمارے سکیورٹی فورسز کےحوصلے پست نہیں ہوتے،متحدہ حیدر آباد

حیدرآباد(گردوپیش) متحدہ قومی مومنٹ پاکستان حیدراباد ڈسٹرکٹ کے انچارج ظفر احمد صدیقی واراکین کا مشترکہ بیان میں ڈی آئی خان میں سیکیورٹی اداروں کی چوکی پر دہشت گردوں کے حملے میں25 اہلکاروں کی شہادت پر افسوس کا اظہاراور دہشت گردوں کی بزدلانہ کاروائی کی سخت الفاظ میں مذمت کرتے ہوئے کہاکہ درابن چوکی پردہشت گردوں کا خود کش حملہ ہمارے سکیورٹی فورسز کےحوصلے پست نہیں کر سکتےیہ بزدلانہ حملہ ان کی بوکھلاہٹ اور پریشانی کی عکاسی کرتا ہے ۔انہوں نے کہاکہ پاک سیکیورٹی فورسز سے خوفزدہ باطل قوتیں و دہشت گرد عناصر پاک فوج کی حکمت عملی سے بہت جلد اپنے منطقی انجام کو پہنچیں گے، پاک فوج کے ساتھ ملکر ہم ان دہشتگردوں کیخلاف سیسہ پلائی دیوار ثابت ہونگےاور انکے خاتمہ تک اس دہشتگردی کا مقابلہ کرینگے، دہشت گردوں کی بزدلانہ کاروائیاں اقوام پاکستان اور افواج پاکستان کے حوصلے پست نہیں کر سکتے پاکستان کا بچہ بچہ پاک وطن کے لیے اپنی جانوں کا نذرانہ پیش کر سکتا ہے ۔انہوں نے شہید اہلکاروں کے لواحقین سے ہمدردی افسوس کا اظہارکیا،