سندھ میں پہلے مرحلے میں ہونے والے بلدیاتی اتخابات پرتشدد،دوافرادجاں بحق درجنوں زخمی پولنگ کا عملہ آزادامیدوارسمیت اغوامختلف پولنگ اسٹیشن پر پولنگ کا عمل روک دیاگیا

حیدرآباد(گردوپیش آن لائن)سندھ میں پہلے مرحلے میں ہونے والے بلدیاتی اتخابات پرتشدد ثابت ہو ئے،دوافرادجاں بحق درجنوں زخمی پولنگ کا عملہ آزادامیدوارسمیت اغوامختلف پولنگ اسٹیشن پر پولنگ کا عمل روک دیاگیا:
سندھ میں پہلے مرحلے میں ہونے والے بلدیاتی انتخابت خونی ثابت ہو ئیں، ٹنڈوآدم میں وارڈ13کے امیدوارسابق وفاقی وزیرعلی امین گنڈاپور کے بھانجے ظفرگنڈاپورکے بھائی قیصرخام گنڈاپور پرسخت تشددکیاگیاجسکے باعث انہیں ہسپتال منتقل کیاگیا جہاں وہ زخموں کے تاب نہ لاتے ہو ئے جاں بحق ہوگئے جبکہ ایک اور واقعہ میں سکھرروپڑی سے متصل پولنگ اسٹیشن پر جھگڑے کے دوران عبدالقدیرجاگیرانی جاں بحق ہوگیا اورکئی زخمی ہو ئے،
دوسری جانب کندکوٹ میں پرائزیڈنگ آفیسرسمیت پولنگ کے عملے کے 20افرادکواغواکیاگیاجہاں رات گئے سندھ پو لیس نے دعویٰ کیاہے کہ انہوں نے عملے کوبازیاب کرایاہے تاہم اسکی کسی آزادزرائع سے تصدیق نہیں یو ئی ہے،
سندھ میں مجموعی طور پہلے مرحلے کے ہو نے والے انتخابات میں دوافرادجاں بحق جبکہ درجنوں زخمی ہو ئے اورکئی پولنگ اسٹیشن پر پولنگ کا عمل بھی روکا رہاجبکہ کئی مقامات پرانتخابات ملتوی کرنے پڑے،
دوسری جانب سیاسی پارٹیوں جے یوآئی،ایم کیوایم،پاکستان تحریک انصاف نے سخت تحفظات کا اظہارکیا ہے،