سویلین ٹرائل‘فیصلہ بنیادی انسانی حقوق پر کاری ضرب ہے‘پی ٹی آئی

حیدرآباد(گردوپیش ویب ڈیسک :پاکستان تحریک انصاف نے فوجی عدالتوں میں سویلین کے ٹرائل سے متعلق سپریم کورٹ کے فیصلے پر ردعمل دیتے ہوئے کہا فیصلہ بنیادی انسانی حقوق پر کاری ضرب ہے ۔
ایک بیان میں ترجمان پی ٹی آئی نے کہا کہ عدالت عظمیٰ کا فیصلہ دستور کے خلاف ’جوڈیشل کوو‘ سے کسی طور کم نہیں‘ دستور میں بھی فوجی عدالتوں میں سویلین کے ٹرائل کی کوئی گنجائش نہیں ہے۔
ترجمان پی ٹی آئی کا مزید کہنا تھا کہ نظر ثانی والے بینچ کے فیصلے سے ملک کی دستوری ترتیب اور نظم میں بگاڑ کا خدشہ ہے۔
خیال رہے کہ سپریم کورٹ نے سویلین کے فوجی عدالتوں میں ٹرائل کالعدم قرار دینےکا فیصلہ معطل کرتے ہوئے فوجی عدالتوں میں سویلین کا ٹرائل جاری رکھنے کی اجازت دے دی ہے۔