چند روز میں الیکشن شیڈول دے دیا جائے گا، چیف الیکشن کمشنر
حیدرآباد(گردوپیش ویب ڈیسک: چیف الیکشن کمشنر سکندر سلطان راجا کا کہنا ہے کہ شفاف انتخابات کے انعقاد کیلئے پوری طرح تیار ہیں اور ہم اپنی تمام آئینی و قانونی ذمہ داریوں سے بخوبی آگاہ ہیں۔
چیف الیکشن کمشنر کا اپنے پیغام میں کہنا تھا کہ الیکشن کمیشن عام انتخابات کی تیاریوں میں مصروف ہے، چند روز میں ڈی آر او، آر او اور اسسٹنٹ افسران کا نوٹیفکیشن ہو جائے گا۔
ان کا مزید کہنا تھا کہ چند روز میں الیکشن شیڈول دے دیا جائے گا، پولنگ 8 فروری 2024 کو ہو گی، الیکشن کمیشن یقین دلاتا ہے دوران الیکشن آپ کو مکمل تحفظ فراہم کیا جائے گا۔
